Убиен уште еден новинар во Мексико, неговата ќерка во критична состојба
Убиен е мексиканскиот новинар Антонио де ла Круз, а во нападот тешко повредена е неговата 23-годишна ќерка, соопштија властите.
Четириесет и седумгодишниот Де ла Круз е убиен од огнено оружје, додека излегувал од куќата со својата ќерка во главниот град на мексиканската држава Тамаулипас, Сиудат Викторија, објави локалниот весник Експресо, за кој новинарот пишуваше.
Де ла Круз е дванаесетти новинар убиен годинава во Мексико.
Гувернерот на Тамаулипас, Франциско Гарсија Кабеза де Вака информираше дека ќерката на жртвата е во критична состојба.
– Нема да запреме дури не ги пронајдеме одговорните и не ги казнеме со максимална казна пропишана со закон, нагласи гувернерот.
Членови на семејството на Де ла Круз се воведени во државната програма за заштита, според зборовите на државниот обвинител.
Тамаулипас се наоѓа јужно од Тексас, каде има насилни борби на нарко картели за превласт над профитабилните шверцерски патишта. Локалните новинари кои истражуваат криминал и корупција се особено загрозени, пишуваат медиуми.
Ново на Сител
-
Две лица повредени во вооружен инцидент во трговски центар во Малме
-
Русија привремено ги запира испораките гас за ЕУ преку „северен ток“
-
Нов пакет американска воена помош за Украина
-
Американската амбасадорка Брнз и градоначалникот Ганиу го промовираа плоштадот „Вудро Вилсон“ во Општина Чаир
-
Во Центар Жупа правото на глас го остварија 29 болни и немоќни лица
-
Рускиот регулатор ги казни ТикТок, Телеграм, Зум, Дискорд и Пинтерест
-
Започна 13. издание на фестивалот „МакеДокс“, вечерва почнува програмата „Земја во фокус“
-
Кривична пријава за правен субјект и четири физички лица за криумчарење на 7000 килограми канабис