Убиецот по кој трага Србија - Дали ова момче ја убило пејачката?

Полицијата вчера влезе во куќата на семејството Ројко во населбата Црвенка, која се наоѓа на неколку стотина метри од местото на убиството на Јелена Крсмановиќ. Тие на испитување го одвеле Игор, а трагаат по помладиот брат Небојша Ројко, викан Виор, како би се собрале дополнителни информации за убиството на пејачката.

-Околу пладне во дворот упаднаа многу полицајци. Веднаш прашаа за Игор и рекоа дека мора да појде со нив. На никој ништо не му објаснуваа. Превртеа се што можеа, куќата, таванот, шупата. Бараа, ни сам не знам што, а потоа заедно со сонливиот Игор, отидоа. Помладиот Виор, исчезна и незнаеме каде е – изјавил Франц Ројко од Црвенка, таткото на Игор и Небојша.

Игор е одведен на информативен разговор, но интензивно се трага по Игоровиот помлад брат Небојша, кој е бегство.

Како што неофицијално се дознава, истражните органи во куќата на Ројко барале оружје со кое е направено злосторството, но и уште некои траги. Инаку, браќата Ројко одамна се познати на полицијата, поради разни кривични дела, пред се кражби и разбојништва, поради што биле и во затвор.