Убедлива победа на Барселона против Атлетик Билбао

 

 

 Фудбалерите на Барселона забележаа убедлива победа од 3-0 во дуелот против Атлетик Билбао, на средбата од 21.коло, одиграна попладнево на „Камп Ноу“. 

 

Првиот гол за Барселона го постигна Пако Алкасер во 18.минута, а Лионел Меси во 40-тата зголеми на 2-0, што беше резултат по првиот дел. Во вториот дел единствениот гол го постигна Алекс Видал (67) за конечни Барселона – Атлетик Билбао 3-0. 

 

Во првиот натпревар од денешната програма Еспањол како гостин ја совлада Малага со 1-0. 

 

Вечерва се играат уште две средби, Атлетико Мадрид – Леганес и Валенсија – Еибар.

 

Според програмата утре требаше да се играат четири дуели, но средбата во Виго меѓу Селта и Реал Мадрид најверојатно ќе биде одложена. 

 

Во Галиција владее невреме, со силен ветер и дожд, па меѓу другото оштетени се и стадионите на Селта и Депортиво. Токму вчерашниот меч меѓу Ла Коруња и Бетис поради оваа причина беше одложен, па се очекува да биде донесена истата одлука и за дуелот Селта – Реал. 

 

Табела: Реал Мадрид 46 бодови (-1 натпревар помалку), Барселона 45, Севиља 42, Атлетико Мадрид 36,

Сосиедад 35, Виљареал 34, Атлетик Билбао 32,...