Уапсени наркодилери во Скопје, Тетово и Гостивар

Вчера во 13.35 часот полициски службеници од СВР Скопје на подрачјето на Гази Баба го привеле Д.Ѓ.(35) од Скопје, затоа што при извршен преглед кај него била пронајдена прашкаста материја. 

Вечерта околу 21.30 часот полициски службеници од СВР Тетово ги лишиле од слобода А.М.(32), Х.Ц.(25) и В.Д.(25), сите од Гостивар, затоа што при нивен личен и преглед на возило „опел астра“, во кое биле тројцата, била пронајдена марихуана и таблети екстази. 

Ноќеска во 00.50 часот во с.Требош, тетовско, полициски службеници од СВР Тетово ги лишиле од слобода А.Џ.(36) и Е.Х.(27), двајцата од с.Доброште, затоа што при нивен и преглед на возило „фолксваген поло“, во кое биле двајцата, била пронајдена марихуана.

По целосно документирање на случаите, против нив ќе биде поднесен соодветен поднесок.