Уапсени две лица поради пожарот во Атина
Грчката полиција денеска во Атина уапси две лица, едниот Грк, а другиот бугарски државјанин, под сомнение дека случајно предизвикале шумски пожар, кој се прошири кон североисточните предградија на главниот град на Грција.
Двајцата мажи на возраст од 67 односно 58 години ќе бидат изведени пред суд под сомнение дека случајно предизвикале пожар.
Пожарот што вчера избувна во североисточното предградие на Атина, Кареас, во подножјето на планината Имитос, брзо се прошири и се закануваше дека ќе зафати уште две населби. Огнот утрово е ставен под контрола.
Другиот пожар на островор Пелопонез, во близина на пристаништето Неаполи, уништи неколку куќи и голема површина обработливо земјиште.
Вчера ширум Грција регистрирани се околу 80 пожари, а денеска има пожар на островот Скирос.
Грчките власти предупредуваат дека поради силните ветрови голема е опасноста од избивање на нови пожари.
Ново на Сител
-
Солун и островите Скијатос, Скопелос и Алонисос се поврзаа со бродска линија
-
Орбан: Ќе има правни последици за организирање на Парадата на гордоста во Будимпешта
-
Приведен крадец од Куманово, украл мобилни телефони од продажен салон
-
Родителите и феноменот „омилено дете“
-
Истражување: Над 500 видови птици ќе исчезнат до крајот на веков
-
АПЕЛ ЗА ПОМОШ на трите сестрички од Драчево жртви на семејно насилство од нивниот татко
-
МЗШВ апелира за претпазливост: Зголемен ризик од пожари поради високите температури
-
Од 1 јули стапува забрана за движење во шумите