Туск утре ќе ги презентира новите предлозите на ЕУ кон Велика Британија
Претседателот на Европскиот совет Доналд Туск најави дека утре ќе го претстави новиот предлог на Брисел за договор со Велика Британија во врска со нејзините барање на реформи на Унијата, кои според Лондон се услов за останување на земјата во ЕУ.
- Утре околу пладне ќе биде претставен предлогот на ЕУ во врска со британското членство. Беше постигнат напредок изминатите 24 часа, но се уште има нерешени прашања, напиша Туск на Твитер.
По презентирањето, предлогот ќе биде испратен до сите 28 земји-членки на ЕУ, во обид да се постигне договор во однос на барањата на Лондон до Самитот на Унијата закажан за 18 февруари.
По синоќашната средба со британскиот премиер Дејвид Камерон, Туск денеска изјави дека на неа е постигнат напредокот во преговорите, но дека „се уште нема согласност“ за договорот.
Ново на Сител
-
Дефицит на лекари специјалисти, хроничен проблем на македонското здравство
-
Во земјава нема национален регистар на лица со аутизам
-
Преглед на вестите од светот
-
Управниот суд одби 3 жалби на Европскиот фронт - вечерва одлучува по уште 4 жалби
-
Во Скопје почна одбележување 50 години од формирањето Француски институт во Македонија
-
Тема на денот со Васко Наумовски
-
Управен суд одби една од тужбите на Европски фронт, за другите одлучува
-
Зафировски: Зборувањето е лесно, треба да се сработи, за да оди државата напред