Турски воен конвој нападнат близу Алепо

Припадници на сириска провладина вооружена група денеска нападнаа турски воен конвој во едно јужно предградие на Алепо.

Конвојот од 55 возила се движел кон градот Еис, но по нападот војниците се вратиле во западниот дел на Алепо, соопшти Сирискиот центар за мониторинг на човековите права.

Според Центарот, чие седиште е во Лондон, станува збор за најголем турски воен конвој што пристигнал во тој дел на Сирија, по отпчнувањето на воната операција на Армијата на Турција во северозападниот регион Африн, што беше под контрола на силите на сириските Курди.

Властите во Дамаск засега не го потврдија нападот во Алепо, иако претходно предупредија дека е можен одговор на турската операција во Африн.