Tурција загрижена за своите граѓани во САД
Анкара е длабоко загрижена за правните случаи против дрѓавјани на Турција во САД, соопшти турската Амбасада во Вашингтон, оценувајќи дека одлуката делумно да се покрене издавање на визи во амбасадите на САД и Турција, сепак е позитивен напредок.
Турската Амбасада соопшти дека турски функционери ќе продолжат да се среќаваат со американски колеги со цел случаите да бидат решени на задоволувачки начин.
Турција не понуди никакви гаранции за конзуларните работници на САД во Турција, соопшти Амбасадата, наведувајќи дека доколку конзуларните работници бидат уапсени во Турција, тоа нема да биде поради работата што ја вршат, туку затоа што се обвинети за „сериозни злосторства“.
Американските конзуларни служби во Турција вчера делумно го обновија процесот на издавање визи. Извор од турската Влада наведе дека Анкара најверојатно ќе го следи таквиот чекор на Вашингтон, што би било вовед во надминување на дипломатската криза меѓу двете земји.
Како што јави МИА, издавањето американски визи за турски државјани беше суспендирано речиси еден месец, што беше проследено со одговор на Анкара.
Дипломатската криза започна кога турските власти уапсија службеник од турска националност во американскиот конзулат поради наводни врски со проповедникот Фетулах Ѓулен, кој живее во САД, а кого турската Влада го смета за организатор на обидот за државен удар на 15 јули минатата година.
Ново на Сител
-
Обработени 93,30% од гласовите - ВМРО-ДПМНЕ 59, СДСМ 18, Левица 6, ЗНАМ 5 мандати
-
Мицкоски: Поразен е бојкотот на ДУИ, време е да одат со СДСМ во опозиција
-
ДИК: Обработени 90,40% од гласовите - ВМРО-ДПМНЕ 390.345, СДСМ 136.748
-
Ковачевски: На СДСМ му е зададен тежок удар
-
ДИК: Силјановска Давкова со повеќе од двојна предност пред Пендаровски
-
Димитриевски: Повеќе нема да живееме во црно-сив свет, честитам на Силјановска Давкова и ВМРО-ДПМНЕ
-
Силјановска Давкова: Наградата е непроценлива за мене
-
Обработени 82,38% од гласовите - ВМРО-ДПМНЕ 59 мандати, СДСМ 18, Левица 6, ЗНАМ 5 мандати