Турција повика меѓународната заедница да ги зголеми напори за решавање на бегалската криза
Турскиот премиер Ахмет Давутоглу ја повика меѓународната заедница да ги зголеми напорите во решавање на бегалската криза, откако илјадници луѓе беа принудени да ги напуштат своите домови и побегнат во соседни земји и Европа.
Давутоглу нагласи дека запирањето на злосторствата на сирискиот режим и терористичката организација Исламска држава, како и создавање на безбедна зона за Сиријците во нивната татковина е единствен начин да се спречи нов бран бегалци од Сирија, Ирак, Авганистан и Либија.
- Меѓународната заедница го виде проблемот со бегалците најпрво како проблем на Сирија, подоцна како криза на Турција или соседните држави, а сега е јасно дека бегалското прашање е глобална криза, криза што не може да се игнорира, што не може да се заборави, изјави Давутоглу во Њујорк, каде учествува на седницата на Генералното собрание на ОН:
Давутоглу моменталното ангажирање на меѓународната заедница во решавање на бегалската криза го оцени како минимално, но изрази надеж дека по Генералното собрание на ОН, таа ќе биде поактивна по тоа прашање.
Од 1,9 милиони Сиријци кои од своите домови побегнаа во Турција, околу 300.000 се наоѓаат во бегалски кампови, додека поголемиот дел од нив се во градовите долж границата.
Ново на Сител
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот
-
76-годишник почина откако се превртел со трактор
-
Иранска армија: Хеликоптерот на Раиси не бил нападнат, се запалил по падот