Трифонов: Бугарија е лојален сојузник на ЕУ и НАТО
Лидерот на „Има таков народ“, Слави Трифонов, во своето прво интервју од летото 2020 година, за Бугарското национално радио изјави дека „кога – тогаш“ ќе стане бугарски премиер ако неговата партија победи на предвремените избори на 11 јули.
Како што јави дописникот на МИА од Софија, партијата „Има таков народ“, според Трифонов, влегла во политиката поради референдумот и, особено, за неисполнетите барања на бугарските граѓани.
Сепак, тој избегна директен одговор на прашањето со кои партии е можно да се формира коалиција во новото Национално собрание, велејќи дека тоа ќе стане јасно по 11 јули. „Суверенот одлучува“, рече Трифонов.
Тој ја опиша Бугарската социјалистичка партија како „најслабата опозиција во последните 30 години“.
Лидерот на „Има таков народ“ ја опиша својата партија како „практична во интерес на суверенитетот“ и додаде дека изразите „лево“, „десно“ и „центар“ се застарени.
Во однос на надворешно-политичката ориентација на Бугарија – НАТО и ЕУ или Русија, Слави Трифонов рече дека членството на Бугарија во двата сојуза е правилна одлука и земјата мора да биде „лојална, конзистентна и принципиелна“.
Ново на Сител
-
Тема на денот со Герард Кестел, Меѓународниот институт за социјални студии во Холандија
-
Средба Николоски-Караџов: Брзо да се финализира договорот за изградба на железнички тунел
-
Кочовска: До овој момент нема понуда за пругата од Коридорот 10
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници
-
По одлуката на Уставен, ВРЕДИ и ДУИ се судрија за пописот во 2021
-
Пазарниот инспекторат констатирал зголемување на цените во маркетите, но не биле повисоки од пред замрзнувањето