Три жени од Кочани и Делчево починаа на штипското Инфективно одделение
Три жени од Кочани поради компликации од коронавирусот починаат на Инфективно одделение во Клиничка болница-Штип.
Портпаролот на Клиничка болница-Штип, Марина Шуманска за МИА вели дека две пациентки се од Кочани, а една од Делчево и се на возраст од 49, 61 и 81 година.
Изминатите 24 часа на ова одделение се лекуваат 54 пациенти, со што останат е слободен само еден болнички кревет. Изминатата недела на ова одделение се примаат пациенти во тешка состојба, а денеска таму на кислородна поддршка се над 20 пациенти.
Директорот на Клиничка болница-Штип, Ален Ѓеорѓијев вели дека ангажирани се и лекарите од интернистичките гранки, како и од останатите одделенија, кои им помагаат на двајцата инфектолози и на медицинскиот персонал. Во меѓувреме поради напливот на пациенти се одложи и реконструкцијата на Инфективното одделение, кое преку европски проект од Програмата за Меѓугранична соработка меѓу Бугарија и Македонија ќе добие нови прозорци, фасада и рампа за лицата со инвалидитет.
-Имаме две опции, едната е да бараме официјално одложување на проектот, а втората е реконструкцијата да се реализира по монтирањето на модуларната болница за ковид пациентите. Средствата треба да се искористат до јуни 2021 година. Се надевам дека напролет во рок од еден месец ќе се реализира овој проект, вели Ѓеорѓијев.
Проектот за реконструкција на штипското Инфективно одделение чини околу 200.000 евра, а фирмата е избрана во март, но засега не може да почне со градежните активности.
Ново на Сител
-
Се урна конструкција на рингишпил, повредени 13 деца од кои едно е во животна опасност во Куршумлија
-
Во Охрид до 13 часот на изборите излегле околу 27 проценти, во Дебрца 26 отсто од гласачите
-
Во Велес до 13 часот излезноста е 30,08 за претседателски и 30,57 за парламентарни
-
Кавадарци со близу 30 отсто излезност до 13 часот
-
Во Крушево до 13 часот излезноста е над 34 проценти, а во Долнени двојно помала
-
Излезноста до 13 часот за претседателски избори е 23,95% , за парламентарни 25,84
-
Јавното обвинителство поднесе пријава за поткуп во Велес за две лица
-
Поставен штанд на партија во Шуто Оризари, расфрлани летоци во Чаир, агитирање...