Три вработени во кумановска градинка позитивни на коронавирус, седум деца во изолација
Три вработени од кумановската детската градинка „Ангел Шајче“ се позитивни на коронавирус, седум деца се во изолација, информираа денеска надлежните од Центарот за јавно здравје Куманово. Позитивните се од два различни објекти – „Развигорче“ и „Бубамара“. Децата кои се во изолација се од објектот „Развигорче“.
– Во текот на вчерашниот ден добивме три пријави за позитивни случаи на вработени во градинката „Ангел Шајче“ од кои две вработени, една негувателка и една воспитувачка се од објектот „Развигорче“, додека една негувателка е од објектот „Бубамара“. По претходно информирање од одговорните од градинката и по направените анкети, вработените се тестирани и изолирани Седумте деца веднаш се изолирани во домашни услови, анкетирани се нивни родители, дадени им се препораки како да постапуваат во случај на пројавување симптоми, веднаш да го информираат матичниот лекар и нас и се следи нивната состојба, вели епидемиологот од ЦЈЗ Куманово, Јадранка Стаменковска.
Во објектот „Бубамара“ нема изолирани деца, бидејќи негувателката немала директен контакт со децата кои се од голема група, се почитувале сите протоколи, а и негувателката не била на работа од трети ноември. Центарот ги следи сите протоколи, преземени се сите мерки, извршена е дезинфекција во објектите.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање