-->
-->
Три победи и три порази за македонските тенисери на стартот од фјучрсот во Скопје
-->
Тројца од шестте македонски тенисери кои играа во првото коло на фјучрсот во Скопје денеска постигнаа победи и се пласираа во следната рунда. Македонија ќе има сигурно и четвртфиналист бидејќи утре во 2.коло меѓусебе ќе играат Томислав Јотовски и Димитар Грабул.
Најтешко првиот противник го мина единствениот од македонските тенисери, кој е рангиран како носител (број 7) Томислав Јотовски. Тој со пресврт во три сета го победи Лука Нарциси од Италија со 2-1 во сетови (4:6; 6:1 и 7:5). Неговиот утрешен ривал Димитар Грабул со 2-0 во сетови (6:1 и 6:2) го победи Маурицио Алварез-Гузман од Чиле. Третиот со победа денеска е Бесир Дургути, кој со 2-0 во сетови (6:1 и 6:3) го победи Небојша Миленковиќ од Србија.
Порази претрпеа Стефан Мицов, кој загуби од вториот носител Максимилијан Нојкрист од Австрија со 2-0 во сетови (6:3 и 6:2), а Горазд Србљак загуби од Страхиња Ракиќ од Србија со 2-0 во сетови (7:5 и 6:2). Силен отпор на петтиот носител Клаудио Фонтана од Италија му пружи и Давид Мицевски, кој зе поразен со 2-0 во сетови (6:3 и 6:4).
Во конкуренција на двојки од македонските тенисери денеска досега ниту еден не успеа да победи. Теодор Дељановски и Мицевски загубија од Дејн Пропоџиа и Цубг Јанг, додека Дургути во комбинација со Марко Осмакчиќ загубија од првите носители Нојкрист и Давид Пихлер. Попладнево ќе се игра и последното четвртфинале во двојки Јотовски и Резарт Чунгу ќе играат против Грабул и Лука Петровиќ.
-->
-->
-->
Ново на Сител
-
Ќе најде ли ДУИ удобност на левата страна од Собранието - што да очекуваме од новото Собрание
-
Тема на денот со Андреј Петров
-
Африм Гаши избран за претседател на Собрание
-
Од рапер до претседател на Собрание - Кој е Африм Гаши?
-
Нов собраниски состав
-
Силјановска Давкова: На венецот во Рим сакав да пишува РС Македонија, но немаше место
-
Внатрепартиски избори во СДСМ на 30 јуни: Кој ќе влезе во трката за претседателското место?
-
Затворените сали на Хирургија го блокираа цел здравствен систем!