Тревога за ракетeн напад во Ерусалим, жителите известуваат за експлозии
– Првпат од почетокот на израелската воена операција во Појасот Газа, денеска се огласи сирената што алармира за ракетен напад и во Ерусалим.
Според воените извештаи, утрово низ градот се слушале предупредувачки сирени. Жителите пријавиле експлозии, јави ДПА.
Од петокот, според војската, повеќе од 400 ракети биле истрелани врз Израел од Појасот Газа.
Има стравувања дека ситуацијата може дополнително да ескалира поради еврејскиот ден на пост и жалост, Тиша Б’Ав. Религиозните Евреи на овој ден тагуваат поради уништувањето на двата древни храма во Ерусалим.
Исламистичката организација Хамас, која го контролира Појасот Газа, во вечерните часови повика да се „одбрани џамијата Ал Акса на местото познато кај муслиманите како Благородно светилиште и да се спротивстават на израелските напади на светото место“.
Благородното светилиште, или ал-Харам ал-Шариф, со куполата на карпата и џамијата Ал-Акса, е третото најсвето место во исламот. За Евреите тоа е познато како Рид на храмовите, каде што биле и двата уништени храма.
Ново на Сител
-
Турција ќе отвори нова фабрика за чипови и соларни ќелии
-
Гејминг индустријата во Србија лани со приходи од 214 милиони евра
-
Забрана за 15.000 аргентински навивачи за влез на стадионите на Светското клупско првенство
-
Марта Кос: Владата во Србија не исполни ниту една од реформите што ги вети во декември
-
Управувал возило со 1,58 промили алкохол во крвта, приведен 68-годишник од Ресен
-
ФБИ ќе го зголеми фокусот кон илегалната имиграција
-
МВР: Апел до граѓаните да внимаваат на лажни е-пораки – фишинг линкови
-
Најмногу дожд во Струмица