Третпат снема струја на Куба
Милиони Кубанци беа во темница откако синоќа пропадна и третиот обид за повторно воспоставување на електричната мрежа на островот.
Кубанската национална електрична мрежа во петокот попладне првпат престана да работи, но беше рестартирана, но вчера утрото повторно падна.
– Вечерва во 22 часот и 25 минути целосно е исклучен националниот електроенергетски состав, објави компанијата „Хавана електрик“ на социјалната мрежа Телеграм.
Подоцна објавата е отстранета од Телеграм, а милиони луѓе и денеска се без електрична енергија.
– Процесот на повторно воспоставување на електричната мрежа и понатаму е сложен, објави кубанското Министерство за енергетика на платформата Икс.
Поради падот на електричната мрежа во Хавана и во Маријана синоќа имаше протести.
Дури и пред падот на мрежата Куба се соочуваше со недостиг на електрична енергија. Комунистичката влада на Куба во петокот ги испрати дома несуштински владини работници и ја откажа наставата во училиштата, обидувајќи се заштеди гориво за производство на електрична енергија.
Ново на Сител
-
Тема на денот со Герард Кестел, Меѓународниот институт за социјални студии во Холандија
-
Средба Николоски-Караџов: Брзо да се финализира договорот за изградба на железнички тунел
-
Кочовска: До овој момент нема понуда за пругата од Коридорот 10
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници
-
По одлуката на Уставен, ВРЕДИ и ДУИ се судрија за пописот во 2021
-
Пазарниот инспекторат констатирал зголемување на цените во маркетите, но не биле повисоки од пред замрзнувањето