Трамп разговараше со Нетанјаху за царините
Израелскиот премиер Бенјамин Нетанјаху телефонски разговарал со американскиот претседател Доналд Трамп за новата тарифна политика на САД додека Израел се обидува да го минимизира влијанието на новите американски царини од 17 отсто врз увозот на израелски стоки, изјавија денеска двајца високи израелски претставници.
Британските медиуми пренесоа дека официјални лица соопштиле дека Трамп и Нетанјаху разговарале вчера, а еден од нив пренел дека поголемиот дел од американските царини може да се решат.
Официјален претставник на израелското Министерство за финансии изјави вчера дека најновите американски царини би можеле да влијаат на извозот на израелски машини и медицинска опрема.
САД се најблискиот сојузник на Израел и најголемиот трговски партнер, потсетуваат британските медиуми.
Израел во вторникот почна да ги отстранува преостанатите царини за американските стоки.
Двете земји уште пред 40 години потпишаа договор за слободна трговија и околу 98 отсто од американските стоки сега се увезуваат во Израел без царина.
Ново на Сител
-
Една година Влада - отчет на премиерот Мицкоски
-
Бугарија го спори извештајот на ЕП за Македонија, Георгиев вели дека нема тежина
-
Тема на денот со Илија Димовски, поранешен пратеник
-
Годинава се очекуваат околу 24 милиони килограми тутун, неизвесно дали и сега ќе се откупува само во прва класа
-
Извештајот за Македонија утре на втор обид за гласање, Вајц не сака да го коментира исходот предвреме
-
Ново поскапување на дизелот, за една недела поскапе за 7 денари
-
Синдикатот на Клинички против решението на Алиу дел од вработените на клиниките да паркираат надвор од кампусот „Мајка Тереза”
-
СДСМ обвинува за блокада