Трамп: Претседателот Си се однесува одговорно за ситуацијата во Хонг Конг
Американскиот претседател Доналд Трамп изјави дека верува дека кинескиот претседател Си Џинпинг се однесува „многу одговорно“ во врска со протестите во Хонг Конг, почнати заради предложениот зкаон за екстрадиција што ќе овозможи жителите на автономниот регион да бидат испорачувани на судење во Кина.
-Во моментов работиме на трговските договори. Ќе видиме што ќе се случи, рече американскиот претседател пред новинарите во Белата куќа, пред средбата со пакистанскиот премиер Имран Кан.
Хонг Конг веќе два месеца е средиште на понекогаш насилни протести, што е најголема криза откако Британците во 1997 година и го вратија овој град на Кина, под услов неговите жители да ги уживаат демократските слободи според формулата „една држава, два система“.
„Знам дека е тоа многу важна ситуација за претседателот Си“, рече Трамп и додаде дека „Кина може да ги запре доколку тоа го сака“.
-Мислам дека кинескиот претседател делува одговорно, многу одговорно, рече Трамп и заклучи дека „се надева дека Си ќе ја направи вистинската работа“.
Протестите во оваа поранешна британска колонија почнаа на 9 јуни заради незадоволството од законот што требаше да овозможи предавање на осомничените лица на Кина. Жителите на Хонг Конг сметаат дека тоа би ја поткопало правосудната независност на покраината и луѓето ќе ги изложи на опасни политички обвинувања.
Во меѓувреме Кина номинално се откажа од законот, но демонстрантите бараат негово комплетно повлекување и оставка на шефицата на хонгконгшката Влада, Кери Лам, пренесе Индекс, хр.
Ново на Сител
-
Го охрабрувам Обвинителството да работи на откривање нови одговорни лица за пожарот во Кочани, порача Мицкоски
-
УНИЦЕФ повикува на поголема вклученост на татковците во активности на учење преку игра
-
При претрес во Штип пронајдена дрога
-
Туфегџиќ: Обвинителството потврди дека нема доказ за инволвираност на таткото на Вања
-
Мицкоски: Исправена е неправдата, доделени национални признанија за врвни достигнувања во спортот
-
Маск: Жалам што некои објави за Трамп отидоа предалеку
-
Министерство за економија: Во првите два дена 1400 пријави до Агенцијата за вработување за мерката самовработување
-
Домовите „Кузман“ и „Стив Наумов“ се очекува да бидат реновирани до крајот на годинава