Трамп: Пазарните потреси поради царините беа неопходни
Американскиот претседател Доналд Трамп изјави дека падот на финансиските пазари поради воведените царини бил очекуван и дека оваа мерка е неопходна за зајакнување на економијата на САД, која ја нарече „болен пациент“.
Тој истакна дека е подготвен за преговори ако другите земји понудат „нешто феноменално“.
Говорејќи пред новинарите на „Ер Форс Уан“, Трамп откри дека разговарал со израелскиот премиер Бенјамин Нетанјаху и дека тој можеби ќе ја посети САД следната недела.
Претседателот на САД, исто така, изјави дека Илон Маск веројатно ќе ја напушти неговата администрација „во наредните месеци“.
Илон е фантастичен, но има многу компании што треба да ги води. Сакам да остане што е можно подолго, но ќе дојде момент кога ќе мора да замине – изјави Трамп.
Маск моментално раководи со владината служба за ефикасност, која има клучна улога во преструктурирањето на федералната администрација. Трамп нагласи дека оваа работа ќе продолжи и по неговото заминување, во рамки на различни агенции.
Ново на Сител
-
Ратификуван договорот за стратешко партнерство со Велика Британија
-
Тема на денот со Стефан Андоновски, министер за дигитална трансформација
-
Ратификуван договорот за стратешко партнерство со Велика Британија
-
Ратификацијата на договорот со Британија пред пратениците
-
Изборот на гувернер заглави во Собранието
-
Владата донесе оперативен план за вработување кој опфаќа 16.000 граѓани, повеќето млади до 29 години
-
Сител во Естонија: Почна 11 конференција за е-управување
-
Проширена истрагата за пожарот во дискотеката „Пулс“