Трамп издаде наредба за враќање во служба на војниците кои одбиваа да се вакцинираат од Ковид
Претседателот на САД, Доналд Трамп, издаде наредба за враќање во служба на воените лица кои биле отпуштени поради одбивање да се вакцинираат од Ковид.
Во 2021 година, откако Пентагон ја направи вакцинацијата задолжителна, илјадници војници беа отпуштени затоа што не сакаа да се вакцинираат.
Во претседателскиот указ се нагласува дека „барањето за вакцинација било неправедно, прекумерно широко и сосема ненужно оптоварување“ за американските војници.
За многу од нив требало да биде направен исклучок, но тоа не се случило и тие биле отпуштени, се додава во документот.
Указот ќе овозможи враќање на сите војници (активни и резервни), отпуштени само поради тоа што не сакале де се вакцинираат и кои побарале враќање на служба.
Според указот, војниците можат да го вратат своето поранешно звање и да добијат целосен паричен надомест, бенефиции, бонуси или компензации.
Војниците кои презентирале докази дека доброволно ја напуштиле службата наместо да се вакцинираат според мандатот, ќе можат да се вратат на служба без последици за нивниот службен статус, звање или плата.
Ново на Сител
-
Кривични пријави против две правни и две физички лица за бесправно градење
-
Сијарто: Не е само до Бугарија, членките во ЕУ што го поддржуваат проширувањето кон Западен Балкан се малцинство
-
Пуштен патот од Охрид до Св. Наум, со 11,7 милиони евра обновени 24,4 километри
-
Трамп: Израелските напади врз Иран се одлични
-
На огласот за самовработување пријавени над 2500 лица
-
Вкупниот промет во индустријата зголемен за 6 проценти во април на годишно ниво
-
Иран соопшти за најмалку 95 повредени во израелските напади во текот на ноќта
-
Израелски авиони извршија нов напад врз Иран