Трагедија: Автобус со македонски туристи се заби во шлепер -има мртви и повредени
Најмалку еден загинал, а 38 патници меѓу кои и двајцата возачи се повредени во тешка сообраќајна несреќа што се случула ноќеска во Турција кога македонски автобус полн со туристи се судрил со камион, јавуваат турските медиуми. Според првичните информации, несреќата се случила на автопатот во близина на градот Малкара. По судирот автобусот со скопски регистерски таблички се заглавил во шлеперот со турски таблички, при што бил влечен уште стотина метри.
Повредените патници биле префрлени на лекување во најблиската болница во Малкара, а тие што минале со полесни повреди останале на местото на несреќата. Една жена била заробена меѓу седиштата од автобусот кој пак останал заглавен во шлеперот. Таа со тешки повреди на екстремитетите била пренесена во државната болница во Кашан. Според информациите на турските медиуми, жената останала без двете нозе и се наоѓа во животна опасност. Во тешка здравствена состојба биле уште најмалку тројца патници.
Во автобусот имало двајца возачи и 39 патници. Несреќата се случила откако автобусот удрил од зади во шлеперот. Причината за несреќата се уште не е позната.
Ново на Сител
-
Ребалансот на буџетот на владина седница најверојатно во четврток
-
Поскапуваат бензините и дизелот, ова се новите цени
-
Израел со нови воздушни напади врз Иран
-
Авион на „Луфтханза“ на пат кон Индија се вратил во Франкфурт поради закана за бомба
-
ИДФ: Имаме целосна воздушна контрола над Техеран
-
Рано е да се каже дали воениот конфликт меѓу Иран и Израел ќе предизвика ценовен шок, смета бизнисот
-
Градското собрание на Лос Анџелес ќе биде осветлено во боите на македонското знаме во сеќавање на жртвите од трагедијата во Кочани
-
Приведени три лица од Тетово за брзо возење, едниот возел 180 на место каде дозволено е 80