Традиционално сечење бадникови гранчиња на падините на Водно
Одборот за прослава на Бадник 2024 денеска напладне на месноста Говрлевска Краста на падините на Водно ќе го организира традиционалното сечење бадникови гранчиња кои на Бадник (6 јануари) ќе им се делат бесплатно на граѓаните пред Соборниот храм „Свети Климент Охридски“ во Скопје.
Кум на годинашното одбележување е Божидар Јанковски, кој ќе го понесе ќупот за Бадник 2024, а Здравичар годинава е актерот Атанас Тановски, кој на платото пред Соборниот храм на 6 јануари ќе ја каже здравицата во пресрет на најголемиот христијански празник Божик.
Сечењето на гранчињата ќе почне напладне со пречек на Кумот и Здравичарот и на официјалните гости, кои ќе заиграат македонско оро на музика на оркестар од трубачи.
-Потоа следува церемонија на засадување млади бадникови стебла, што е задача на новиот Кум и Здравичар, и на крајот од церемонијата Кумот и Здравичарот го кршат лебот на софрата на која ќе продолжи дружбата со риба и чашка пијалак, придружено со звуците на трубите и тапанот, соопшти Одборот за традиционална прослава на Бадник.
Ново на Сител
-
Сообраќајот на државните патишта се одвива непречено
-
Студено утро со магла по котлините, преку денот сончево со слаб ветер
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа