Том Круз: Зошто ова никој не ми го покажал до сега

Глумецот Том Круз неодамна дал интервју за Би-Би-Си, во кое зборувал за своите филмови и улоги, но на него и на гледачите посебно им бил интересен еден дел. 

Новинарот на Би-Би-Си кој разговарал со него, му покажал на Круз некои од фотомонтажите од Интернет, на кои тој е „главен јунак”. Не изгледал ниту изненадено, ниту повредено, туку се смеел.

Фотографиите кои алудираат на сцената од филмот „Невозможна мисија” во која Круз виси од авион, ја видел прв пат сега, по две години откако излегол филмот.

- Ова е фантастично. Зошто ова никој до сега не ми го покажал, ова е урнебесно. Ве молам, дајте ми малку вода. Ова навистина е смешно, рекол Круз гледајќи ги фотографиите.

На една од нив се појавува и Николас Кејџ.