-->
-->
ТК Југ не ја дава титулата, Неготино сериозно се закани
-->
По голема борба и меч кој траеше повеќе од 12 часа тенисерите на ТК Југ ја одбранија титулата шампиони на Македонија во екипна конкуренција. Тие во решавачкиот меч за првото место го совладаа тимот на Неготино со 3-2, притоа мечот кој се играше вчера на терените на ТК Југ во Градски парк во Скопје почна во 10 часот, а заврши околу 22 часот.
Според пропозициите првин се играа четири сингл меча, а резултатот беше 2-2 во победи, па под светлото на рефлекторите на централниот терен на ТК Југ шампионот беше решен во мечот во игра на двојки, кои Мирза Башиќ и Нермин Фатиќ го добија со 2:0 во сетови против Миљан Зекиќ и Стефан Мицов.
Во сингл мечевите Неготино поведе со 1-0 откако Зекиќ го совлада Башиќ со 7:5 во двата сета, потоа Југ изедначи откако Фатиќ го победи македонскиот првак Горазд Србљак со 2:1 во сетови (6:3; 4:6 и 6:4). Тенисерите на Југ поведоа со 2-1 во победи откако третиот меч заврши во нивна корист. Обрад Марковски поради повреда го предаде мечот на Турчинот Корај Кирџи при резултат 1:1 во сетови и 2:0 во третиот сет за турскиот тенисер. Неготино се избори за дубл меч откако во дуелот на македонските тенисери (кои беа рангирани како четврти во своите тимови) Стефан Мицов и Томислав Јотовски. Мицов беше поуспешен и го совлада недоволно опоравениот Јотовски со 2:0 во сетови (7:5 и 6:4).
На шампионатот настапија вкупно пет екипи, а Југ и Неготино постигнаа максимални победи од 4-0 против МТП од Скопје, Тенниспарк од Скопје и Тумба од Куманово.
Во двата тима настапија неколку играчи од странство кои имаат успешни настапи и на АТП турнири и на овој шампионат му дадоа посебна тежина, особено што се одржа во период на пандемија.
ТК Југ со освојувањето на титулата останува единствен шампион на Македонија во овој спорт.
-->
-->
-->
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола