Тиквешијата одбележа 75 години од загинувањето на Диме Поп Атанасов
Тиквешијата денеска одбележа 75 години од смртта на првата жртва од бугарскиот фашистички окупатор за време на Втората светска војна во Македонија Диме Поп Атанасов-Горски.
На неговиот споменик што се наоѓа меѓу селата Долни и Горни Дисан, цвеќе положија бројни делегации на сојузите на борци од повеќе градови, меѓу кои и делегација на Главниот одбор на Сојузот на борци на Македонија, на чело со претседателката Вера Бундевска.
Претседателот на Сојузот на борци од Неготино Атанас Најдов рече дека Поп Атанасов бил роден 1917 година во Неготинско, а загинал на денешен ден пред 75 години, додека заедно со двајца свои другари биле на партиска задача во селата од Дисанијата. Имале успешни состаноци и разговори со селаните, кога биле наклеветени, по што Поп Атанасов бил смртно погоден и загинал на 24 годишна возраст.
- Така падна првата жртва во Македонија. Смртта на Диме болно се пренесе во непокорената Тиквешија и низ цела Македонија. Неговото подмолно убиство придонесе уште повеќе да се демаскираат бугарските фашистички окупатори и да се прикажат во вистинската светлина, нагласи меѓу другото Најдов.
Ново на Сител
-
Меџити: Ова е почеток на крајот на Европскиот фронт, следува нов бран на дестабилизација во ДУИ
-
СДСМ: Божиновска должи одговори
-
Таравари за смртта на 14 месечното бебе - Лична одговорност мора да има!
-
На интернет измами најчесто наседнуваат луѓето со ниски примања, велат психолозите
-
ВМРО-ДПМНЕ: 250 евра за секој студент - 10 милиони евра фонд за бизнис за млади
-
Само 1% од вработените во ЈКП-ЈА се лица помлади од 35 години, а 65% постари од 55 години
-
Потребна е поголема поддршка на жените земјоделки
-
30 ромски семејства кои престојуваа во населбата „Прилепска“ во Кичево добија социјални станови