Тереза Меј на средба со Јункер во Брисел за Брегзит
Британската премиерка, Тереза Меј, попладнево ќе се сретне со претседателот на Европската Комисија, Жан Клод Јункер, за да ги финализира последните елементи од Брегзит.
Меј и Јункер треба да дискутираат за „рамката на идниот однос“ помеѓу двете страни, точка за која сѐ уште нема договор, за разлика од „спогодбата за повлекување“, договорена минатата недела.
Договорот за повлекување на Обединетото Кралство содржи решенија за неколку горливи прашања како ирската граница.
Што се однесува до „идните односи“ двете страни ќе договорат „политичка декларација“ која треба да ја исцрта рамката на односите помеѓу ЕУ и Обединетото Кралство, меѓу другото во трговскиот дел. Преговорите за идните односи не можат да започнат пред датумот на напуштање, 30 март 2019 година, така што политичката декларација за сега не е правно обврзувачка.
По повлекувањето на Лондон од ЕУ, двете страни ќе имаат транзициски период, во кој ќе можат да ги отпочнат преговорите за трговските односи. Начелно оваа транзиција е предвидена да трае до крајот на 2020 година, со можност да се продолжи.
В недела шефовите на држави и влади треба да го формализираат договорот за Брегзит, но Шпанија предупреди дека ќе блокира доколку не и биде признаена формална улога во преговорите на Гибралтар, што не е случај во сегашната спогодба за повлекувањето на Обединетото Кралство.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар