Свет
9. April 2021 - 9:59

Тело на мртов човек откриено во неговиот стан во Осло 9 години по неговата смрт

Телото на еден човек е откриено во стан во Осло, девет години по неговата смрт, објави норвешката полиција.

Телото било откриено од домар во декември, пренесува „Гардијан“.

Мажот чиешто тело е пронајдено имал 60 години, бил оженет неколку пати и имал деца. Соседите рекоа дека тој бил повлечен и дека кога престанале да го гледаат, помислиле дека се преселил или бил сместен во институција.

Телото е пронајдено кога домарот побарал од полицијата да го отвори станот за да може да изврши работи за одржување.

Полицијата верува дека мажот починал во април 2011 година, врз основа на амбалажата од млеко и писмото пронајдено во неговиот стан. Обдукцијата покажа дека смртта настанала по природен пат.

Исплатата на неговата пензија била суспендирана во 2018 година, кога властите не можеле да стапат во контакт со него, а сметките сè уште автоматски се плаќале од неговата банкарска сметка.