Телефонски разговор Ципрас - Заев
Eвро-атлантската перспектива на Македонија, прашањето за името и можностите за развивање на билатералните односи, биле теми за кои телефонски разговарале премиерот на Грција Алексис Ципрас и претседателот на македонската Влада Зоран Заев, соопшти денеска кабинетот на грчкиот премиер.
Ципрас и Заев размениле мислења и за промовирање на мерките за градење доверба меѓу двете земји, како и за состојбата во регионот.
Ципрас му честитал на Заев за преземањето на премиерската функција и уште еднаш ги повторил грчките позиции во однос на спорот за името, се вели во соопштението од кабинетот на грчкиот премиер.
Македонскиот премиер Заев вчера во интервју на МТВ со уредници на медиуми најави дека тој и новата Влада, кон Грција и другите соседи ќе водат политика на пријателство без провокации и очекува на тоа позитивно да биде возвратено. Заев изрази надеж дека Македонија многу брзо може да стане членка на НАТО под привремената референца, а паралелно да продолжат разговорите со Грција за спорот за името, со приближување на ставовите, испраќање добри пораки и унапредување на мерките на доверба, со цел, како што наведе, да се создаде амбиент Македонија барем делумно да биде одблокирана .
Се очекува наскоро да има и средба на министрите за надворешни работи на двете земји, по поканата што ја упати шефот на грчката дипломатија Никос Коѕијас до неговиот македонски колега Никола Димитров да ја посети Атина.
Ново на Сител
-
Ковачевски поднесе оставка од функцијата претседател на СДСМ
-
ЦУК: Поплавени дворови и подрумски простории во Драчево
-
Авион принудно слета на аеродромот во Тирана, патник се обидел да се самоубие
-
ДСЗИ изврши надзор на Токсикологија, склучените договори за работа се со потпис на еден директор
-
ДИК: Излезноста до 13 часот е 25,48 проценти, поголема во однос на 8 мај
-
Умерен земјотрес во Романија
-
Говор на омрза врз срцето со македонско знаме и букви на натписот Гостивар
-
Просечната нето плата во март 40 496 денари