Театарска претстава и концерт на Охридско лето
На „Охридско лето“ вечер ќе биде изведена театарската претстава „Со љубовта шегување нема“ во дворот на основното училиште „Климент Охридски“, а во црквата „Света Софија“ концерт ќе имаат македонскиот сопран Весна Гиновска – Илкова и пијанистката Кристина Светиева.
Претставата „Со љубовта шегување нема“ од Алфред де Мисе, во режија на Софија Ристевска ќе ја изведе Интимен театар од Битола. Создадена е врз идејата за денешниот неолиберализам, кој го проголтува и уништува секој човечки напор за жиеење надвор од неговата матрица. Во денешниот свет конструиран само и единствено врз правилата на капиталот човекот нема многу избор за алтернатива освен да се потчини и да се постави во функција на парите. И кога капиталот е основниот параметар по кој се конструира и се структуира еден живот тогаш доаѓаме до заклучокот дека со „капиталот шегување нема“, а љубовта е постудена од капиталот.
Во општеството на несолидарност и краен финансиски егоизам нема место за љубов и токму во претставата се спротивставуваат љубовта и капиталот, во арената каде што с енаализираат резултатите од тој чин.
Претставата е повик за создавање на похуман, посолидарен и социјално рамноправен свет, каде индивидуата ќе има право на слобода и љубов, затоа што точно игнорирањето на овие две категории може да чини многу.
Софија Ристевска досега режирала над 30 претстави во државни и независни театарски куќи во Македонија, Бугарија и Србија. Во 2010 година го оформи „Интимен театар“ во кој продуцирала и режирала шест претстави од современи драмски автори
Весна Гиновска-Илкова е една од најатрактивните и најпознатите македонски оперски солистки. Домашната сцена ја освоила во 1996 година кога дебитира на сцената на Македонската опера и балет, заедно со рускиот тенор Сергеј Дубровин. Две години подоцна ја запознава и меѓународната сцена на меѓународниот натпревар „Борис Христов“ во улогата Елизабета во операта „Дон Карло“. Настапувала во некои од најпрестижните оперски сали во светот со реномирани оркестри и уметници. Лани одржа рецитал во Њујорк каде се претстави со најзначајните дела од македонското вокално творештво. Добитник е на голем број награди и признанија во Македонија.
Кристина Светиева е една од најталентираните млади пијанистки во Македонија. За време на студирањето разви широка концертна дејност. Успешно настапува во земјава, но и надвор од неа, на повеќе национални и интернационални фестивали. Добитник ена повеќе државни и меѓународни нагади и признанија.
Ново на Сител
-
Претреси во битолско, прилепско, крушевско и во Македонски Брод, пронајдени оружје и муниција
-
Семејствата на жртвите во дискотеката „Пулс” ќе бидат повикани да се приклучат кон кривичниот прогон
-
Кривични пријави против лица од Пробиштип и Свети Николе за кражби од цркви
-
Сиљановска-Давкова: Да го чуваме споменот за Св. Кирил и Методиј и да градиме општество на знаење и меѓусебно почитување
-
Најмногу дожд во изминатото деноноќие во Маврови Анови
-
Мицкоски: Кирил и Методиј ни го оставија најголемиот подарок - писмото, словото, гласот на нашиот идентитет
-
Украина: Извршен еден од најголемите руски воздушни напади врз Киев
-
Грчката економија закрепнува, но покачувањата на цените и понатаму се еден од најголемите проблеми