Тасевски: Изолиран случај рачната бомба пред кафулето во Прилеп
Безбедносната состојба во Прилеп е поволна. Вчерашниот случај со пронајдената неексплодирана рачна бомба пред кафуле во центарот на Прилеп е изолиран за кој постојат одредени индиции, смета директорот на Бирото за јавна безбедност Сашо Тасевски кој денеска се сретна со прилепскиот градоначалник Илија Јованоски и командирот на прилепската полициска станица Кире Спиркоски.
Тасевски, Јовановски и Спиркоски заеднички констатираа дека Прилеп е безбеден град и дека состојбата е под контрола.
Според Тасески, се преземаат сите потребни истражни дејства за што побрзо решавање на случајот и се работи на анализата на обезбедените информации и на податоците кои, како што напомена, ќе овозможат Министерството поскоро да излезе со конкретни информации за овој немил настан.
Тасески истакува дека анализите на Министерството за внатрешни работи покажуваат дека безбедносната состојба во Прилеп е поволна. Без разлика што за време на манифестацијата „Пивофест“ што ќе се одржува од 18 до 21 месецов во градот ќе пристигнат голем број посетители од другите градови на државава, но и од странство, Министерството е подготвено да го одржи јавниот ред и мир. Тасевски уверува дека се направени сите неопходни планови и подготовки, кои гарантираат дека од безбедносен аспект, манифестацијата ќе помине во најдобар ред и без никакви проблеми.
Ново на Сител
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време
-
Саливан: САД засега немаат системи за противвоздушна одбрана „Патриот“ кои би можеле да ги испратат во Украина
-
Земјотрес со јачина од 6,9 степени по Рихтеровата скала го погоди југозападниот дел на Јапонија
-
Промовирана новата генерација полициски службеници
-
Претрес во Штип, пронајдена дрога
-
СПМ: Ковачевски, Фатмир Битиќи и Бојан Маричиќ за грешките мора да си одат и да одговараат
-
Неготинец нападнал малолетник во сендвичарница