СВР Куманово ги учеше најмладите за безбедно учество во сообраќајот
Отсекот за превенција од СВР Куманово и општина Куманово, денеска, на градскиот плоштад за учениците и најмладите од градинките организираа практично показна вежба за безбедно движење по улиците, поминување пешачки премин и безбедно користење велосипед.
Во вежбата се приклучија претставници од општинската организација на Црвениот Крст кои покажаа санирање повреди здобиени при пад од велосипед.
Присутните користеа мобилен сообраќаен полигон, а на овој начин преку јавна манифестација, сметаат организаторите се подига и јавната свеста кај граѓаните за почитување на сообраќајните правила и прописи и особено се става акцент на заштита на најмлаите учесници во сообраќајот.
– СВР Куманово максимално посветува внимание на едукативните активности што ја градат сообраќајната култура од најрана возраст, за да изградиме генерации кои ќе ги почитуваат сообраќајните правила и прописи, изјави началникот на отсекот за превенција, Виолета Богдановска.
Во рамки на едукацијата институциите организираат и теоретска обука преку работилници за запознавање на најмладите од основните училишта и од градинките насловена „Сообраќаен буквар“ при што се обучуваат за безбедно учество во сообраќајот, безбедно движење на тротоари, на улици, преминување улици, почитување светлосна сигнализација, се она со што се среќаваат во сообраќајот, а ќе помогне за нивно безбедно движење.
Показните вежби ќе се реализираат и во иднина, со цел градење сообраќајна култура и јакнење на довербата помеѓу најмладите и полицијата.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари