Сузана Турунџиева по загубата на сопругот: Ми следува најтешката смена што морам да ја одработам во животот!

По загубата на сопругот кон крајот на месец јули, ТВ водителката и писателка Сузана Турунџиева и покрај целата болка мора да се врати на редовните работни обврски.

Од вчера неа повторно ја гледаме на ТВ екраните, а пред почетокот на новата сезона на нејзината емисија таа ги потресе пријателите и фановите со емотивна објава на Фејсбук во која откри дека пред неа стои најтешката смена во животот.

- Од денеска, стартува новата сезона на моите Втори и Трети смени. Вообичаено, во старите термини, секој понеделник и четврток, со почеток во 17.17 – 18 и навечер од 22.30 – 23.50 повторно ќе разработуваме теми од животот, актуелни настани и ќе претставуваме интересни и несекојдневни животни приказни.

Ви благодарам за довербата и поддршката која секојдневно ми ја упатувате тука, на социјалните мрежи и ве поканувам, да бидете со мене, како и досега, да ја одработам најтешката смена во досегашната тв пракса! Се гледаме, во 17.17 на Наша ТВ!, порача Сузана.