Сугарески: Во првите четири месеци гасификацијата е реализирана со 26,7 отсто
Министерот за транспорт и врски Горан Сугарески ги демантира шпекулациите дека реализацијата на проектот за изградба на гасоводот во државата е застанат, при што нагласи дека само за првиот квартал од годинава се инвестирани толку средства колку што биле потрошени во текот на целата мината година.
– Во делот на гасоводниот систем во државата во моментот се работи убедливо најмногу, а реализацијата на средствата досега е со 26,7 отсто. Толку беа инвестирани лани, поради што тврдам дека реализацијата на капиталните инвестииции за гасификацијата ќе бидат реализирани стопроцентно, а можеби ќе требаат дополнителни средства преку ребаланс на буџетот. Во јавноста се слушаат и различни шпекулации околу висината на јавните инвестиици, кои во голема мера се неточни. Ако до истиот овој период минатата година беа реализирани 29,2 милиони евра за патишта, во моментот се преку 64 милиони евра. Покрај изградбата на автопатите, се работи и на експресните патишта, како и на реконструкција на триесетина други сообраќајни правци низ државата, истакна Сугарески.
Министерот Сугарески додаде дека при крај се преговорите за искористување на парите што беа наменети за изградба на аеродромот кај Штип.
-Се работи на анекс договорот со турската компанија ТАВ со цел средствата што беа предвидени за карго аеродромот кај Штип, да се пренаменат за изградба на водоводни и канализациски мрежи. Очекуваме во најкраток рок тој да биде потпишан и да се премине на реализација на инфраструктурните инвестиции. Дел од средствата ќе се користат и за подобрување на условите на скопскиот и охридскиот аеродром, а најголем дел ќе бидат наменети за канализациските и водоводни системи, како и за градинки и училишта во општините, додаде Сугарески.
Ново на Сител
-
Почна судењето за случајот„Адитив“ – ниту еден од обвинетите не чувствува вина
-
Вработени во Општата болница Прилеп осомничени дека украле над 2,2 милиони денари
-
Дали Весна Дамева смеела да гласа за нов претседател на Врховниот суд?
-
Пратенички прашања во Собранието, Трајко Славески ја превзема функцијата Гувернер на НБРМ
-
Мицкоски: Нема да мрднам ниту милиметар додека не видам македонци во бугарскиот Комитет за малцинства
-
Повредените пациенти стравуваат дека ќе останат без д-р Кате, надлежните со итна реакција
-
Андоновски и Перински во работна посета на Естонија
-
Оперативниот план за Владата е визија за подобар живот на 16.000 граѓани, а за СДСМ параван за партиски вработувања