Суд во Боливија му забрани на Моралес да се кандидира на изборите за Сенато
Боливиски суд ја отфрли кандидатурата на поранешниот претседател на државата Ево Моралес за претстојните избори во Сенатот затоа што тој не живее во земјата. Тој таквиот потег го нарече „удар врз демократијата“.
Претседателот на Врховниот трибунал во Боливија, Салвадор Ромеро, рече дека одлуката не може да биде обжалена, но додаде дека Моралес „може да се обиде (да ја смени пресудата) со кој било судски процес што тој смета дека е соодветен“.
Лидерите на партијата на Моралес Движење за социјализам се очекува да поднесат жалба до Уставниот суд.
Моралес, кој поднесе оставка во ноември и ја напушти земјата по масовните протести, му е забрането да се кандидира за претседател, но сакаше да се кандидира за место во Сенатот.
„Ова е удар врз демократијата. Членовите на Врховниот трибунал за избори знаат дека исполнувам услови да бидам кандидат“, објави на Твитер Моралес од Аргентина каде доби азил.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО