Студии: Излекуваните од Ковид-19 развиваат имунитет
Две студии спроведени на мајмуни кои денеска се објавени, даваат некои од првите научни докази дека оние кои се излекувани од Ковид-19 можат да развијат имунитет од повторна инфекција, што е позитивен знак дека вакцините на кои се работи можат да бидат успешни, изјавија американски истражувачи.
Во една од новите студии истражувачите заразиле девет мајмуни со Ковид-19.
Откако оздравеле, тимот повторно ги изложил на вирусот, но животните не се разболеле.
Наодите сугерираат дека тие развиваат природен имунитет кој ги штити од повторно изложување, рече доктор Ден Барух, истражувач во Центарот за истражување на вирусологија и вакцини на Харвардскиот Бет Израел Диконис медицински центар во Бостон, чии студии се објавени во списанието „Сајанс“.
– Тоа е многу добра вест, истакна Барух.
Во друга студија, Барух и неговите колеги тестирале 25 мајмуни со шест прототипи на вакцини за да утврдат дали антителата произведени како одговор им даваат заштита.
Тие потоа ги изложиле тие мајмуни и 10 контролни животни на коронавирусот.
Кај сите контролни животни вирусот се појавил во висок степен во носовите и белите дробови, додека животните кои биле вакцинирани имале значен степен на заштита, рече Барух.
Според него, осум вакцинирани животни биле целосно заштитени.
Ново на Сител
-
Meџити официјално е кандидат за Чаир, од ВРЕДИ ниту денеска не потврдија каде живее
-
Тема на денот со Бујар Османи
-
ВРЕДИ одлучи за првите кандидати
-
Совет за безбедност: Безбедноста е стабилна, пожарите под контрола, остануваме посветени на реформската агенда
-
Што одлучи Советот за безбедност?
-
Трамп ја преполови царината за Македонија
-
ВМРО-ДПМНЕ со свој кандидат за градоначалник и во Кичево - во тимот на Орце Ѓорѓиевски влезе и Ралев
-
10-тина млади лица добија државна субвенција за воздухопловна обука