Студентите од Белград тргнаа на протестен марш кон Нови Сад
Студентите од белградските факултети тргнаа на протестен марш кон Нови Сад околу 10:30 часот со цел да им дадат поддршка на своите новосадски колеги кои на 1 февруари, кога се навршуваат три месеци од несреќата на железничката станица во тој град, најавија блокада на сите градски мостови.
Студентскиот собир започна на Факултетот за драмски уметности (ФДУ) во Белград, од каде се упатија кон Универзитетот за криминалистика и полиција, каде ќе застанат 15 минути за да им оддадат почит на загинатите во уривањето на настрешницата на реконструираната Железничка станица во Нови Сад.
Граѓаните дојдоа да ги праќаат студентите и пред Факултетот за уметности, а сообраќајот на булеварот на уметностите пред факултетот беше затворен.
Медиумите јавуваат дека студентската колона, која ќе биде придружувана од полиција, ќе ја обезбедуваат земјоделци на трактори и моторџии.
Предвидено е студентите да направат неколку паузи за време на маршот, како и да преноќат во Инџија.
Студентите во блокадата ги повикаа граѓаните да им се придружат, со сопствена организација на потребните ресурси. Белградските студенти најавија дека и утре со велосипед ќе патуваат за Нови Сад.
Министерот за внатрешни работи, Ивица Дачиќ утринава изјави дека припадниците на тој ресор „целосно ќе ја обезбедат“ рутата на студентскиот марш од Белград до Нови Сад.
Ново на Сител
-
Во Шведска транспортирани двајца повредени во пожарот во Кочани
-
Двајца од хоспитализираните во Бугарија се екстубирани, еден е на маска за кислород, а останатите се во тешка, но стабилна состојба
-
„Требаше да наполни 25 години, кoj ќе ми го врати мојот син“, потресно обраќање на татко чиј син загина во „Пулс“
-
Со мирен марш струшките средношколци им оддадоа почит на жртвите во Кочани
-
Клековски: Згрижувањето на пациентите од пожарот во „Пулс“ е завршено, од утре се фокусираме на планирањето на следните чекори
-
Приведени седум полицајци кои помогнале „Пулс“ да се стекне со лиценца
-
„Ја закопавме маме, сега тебе, која судбина ја имам“, емотивна објава на Марија за нејзината сестра Лепа
-
Мелони: Разговорот меѓу Трамп и Путин создаде надеж за завршување на војната во Украина