Студентите на УКИМ на почетокот на новата учебна година со нова спортска сала
Студентите на Универзитетот „Свети Кирил и Методиј во Скопје до почетокот на новата учебна година ќе добијат нов репрезентативен спортски објект.
Големата спортска сала, која ја гради Агенцијата за млади и спорт, е во напредна фаза на градба. Според информациите од изведувачот, околу 70 проценти од градежните работи се завршени, а се очекува до октомври објектот целосно да се финишира.
Салата ќе биде приспособена да се користи за кошарка, одбојка, мал фудбал, тенис, пинг понг, гимнастика, боречки спортови и сите останати дисциплини поврзани со физичкото образование и спортот. Централниот спортски терен ќе биде со димензии 40 на 20 метри, а покрај главната намена треба да овозможи едновремено одвивање на паралелни спортски активности со разделување на теренот на два дела со подвижен параван.
Спортската сала ќе има трибини со капацитет од 1.100 гледачи и под трибински простор кој ќе биде искористен за фитнес, теретана, простории за пинг-понг, простории за состаноци и предавања и канцеларски простории.
Во изминатите неколку години, преку Агенцијата за млади и спорт се изградени вкупно 222 објекти низ целата држава, за што од буџетот се издвоени преку 40 милиони евра.
Ново на Сител
-
Претседателката Сиљановска Давкова ја прими грчката амбасадорка Филипиду
-
Пожар во парламентот во Романија, евакуирани 300 луѓе
-
Грузија донесе закон за семејни вредности и против промоција на хомосексуалните односи
-
Формиран Совет за управување со јавни финансии
-
Во сообраќајна несреќа во Тетово животот го загуби 61-годишен пешак
-
АХВ изрече мерка за дезинфекција во мензата во Воената академија - Утврдени причините за труењето
-
Владата одржа седница, донесени повеќе одлуки
-
Левица: Кривична пријава за Гаши поради Предлог-законот за бранители