Студенти од Факултетот за безбедност во посета на МВР
Образовниот процес, без дилема, е најважниот стадиум во академското профилирање на младите луѓе. Оттаму инсистирањето на квалитет во тој процес е логична нужност доколку сакаме институционална функционалност, ефикасност и одговорност.
Ова меѓу другото го истакна министерот за внатрешни работи Оливер Спасовски пред студенти од Факултетот за безбедност коишто денеска во МВР, во рамки на нивната образовна програма, присуствува на презентации подготвени од страна на претставници на министерството, а посветени на организациската и нормативна поставеност и функции на Бирото за јавна безбедност и Управата за безбедност и контраразузнавање.
Потенцирајќи ја целосната отвореност на МВР за подлабока соработка со Факултетот за безбедност, стои во соопштението, министерот Спасовски нагласи дека тоа е во заеднички интерес, пред се во име на заедничките цели што ги споделуваме, а тоа се високи образовни и едукативни стандарди следствено на современите трендови во областа на безбедноста.
- Ниту една институција не може да функционира успешно без следење и практично имплементирање на нови научно-истражувачки сознанија, без континуирана образовна надградба на луѓето кои ја сочинуваат институцијата и без реална кооперативност меѓу теоријата и практиката, рече Спасовски.
Министерот Спасовски, се вели во соопштението, потенцира дека при вработувањата во МВР во иднина приоритет ќе имаат дипломираните студенти од Факултетот за безбедност затоа што министерството има потреба од кадри со соодветно образование.
По презентациите за двете базични организациски единици на МВР, БЈБ и УБК, студентите, се подвлекува во соопштението, имале можност преку дискусијата на посочените теми дополнително да ги прошират своите знаења околу низа прашања од делокругот на работа на двете организациски единици.
Ново на Сител
-
Во Вашингтон патнички авион се урнал во реката Потомак по судaр со воен хеликоптер, има жртви
-
Магла во Делчево и Струмица
-
Облачно со локален дожд, температури до14 степени
-
Блумберг: Mајкрософт истражува дали DeepSeek незаконски презел податоци од OpenAI
-
Турција: Приведени 28 осомничени за смртоносниот пожар во ски-центарот Карталкаја
-
Хамилтон го искрши болидот на Ферари за време на тест возење во Барселона
-
Покрај Николов, Владата предлага уште тројца нови амбасадори, покрената постапка за отповикување на девет амбасадори
-
Шапката на Меланија го фрли во сенка Трамп | Александар Рашковиќ | Sitel Podcast 079