Струмичката полиција најавува интензивни контроли во угостителските објекти
Секторот за внатрешни работи-Струмица во претстојниот период ќе презема интензивни мерки и активности во угостителските објекти на подрачјето поради зголемената бучава и гласната музика, раздвиженоста во угостителските објекти, пред се во кафулињата, дискотеките и ноќните барови во кои се позабележително е присуството на младите, посебно во вечерните часови, информираат од струмичката полиција.
Во соопштението до медиумите се посочува дека активностите на полицијата се ќе бидат насочени во контроли на присуство на малолетници во угостителски објекти по 24:00 часот, точење алкохолни пијалоци на малолетни лица и прегласната музика која неретко ги вознемирува граѓаните, а пред се оние што живеат во близина на угостителските објекти. Во поглед на почитувањето на работното време, во координација со државниот пазарен испекторат, ќе се преземаат координирани мерки и активности.
-За сите сопственици на угостителските објекти кај кои ќе бидат констатирани прекршоци и продолжуват да ги прават, СВР-Струмица согласно своите надлежности, во рамките на Законот за прекршоци, Законот за прекршоци против јавниот ред и мир и други законски прописи, ќе подготви соодветни поднесоци, а за правните лица ќе предложи изрекување на соодветни прекршочни санкции, се додава во соопштението на струмичката полиција.
На крајот апелираат до сопствениците на угостителските објекти и граѓаните да ги почитуваат законските правила и прописи, а доколку се констатира состојба спротивна на законот, соодветно ќе се санкционира.
Ново на Сител
-
Прекината седницата на Советот на Град Скопје на која се очекуваше да се расправа за дивоградбите во Чаир
-
Божиновска: Соларни покриви, стабилни сметки - Македонија гради енергетска иднина за сите
-
Мицкоски: Извозот во овој квартал се стабилизира, иако постои силен предизвик со кризата во автомобилската индустрија
-
УХМР: Мај постуден од вообичаено и нормално врнежлив со исклучок на Охрид
-
Сиљановска Давкова: Навредлива е бугарската Резолуција за Македонија, очекувам поддршка на Резолуцијата за македонскиот јазик и идентитет во ЕП
-
Трет ден протест на дел од медицинскиот персонал и техничка служба од Клиничка болница Тетово
-
УКИМ не е меѓу најдобрите 2.000 универзитети според CWUR
-
Манасиевски: Судијата кој одлучувал за враќање на пасошот на Јахоски треба да се разреши