Македонија
7. March 2016 - 13:42

Струмица: Гробари сквернавеле починати лица

Кривична пријава е поднесена против двајца гробари, Р.Т. (36) од Струмица и Г.П. (47) од Штип, со привремен престој во Струмица, поради постоење основи на сомнение за сторено кривично дело „сквернавење на умрен“.

Како што информираат од полицијата, гробарите вработени во погребален оператор во Струмица, одземале златен накит од гробовите. Двајцата гробари при ископи на стари гробови поради закоп на други починати лица го одземале накитот кои го пронаоѓале, а потоа го продавале на неколку златари во Струмица.

При претрес во домот на пријавените биле пронајдени и со Потврда за одземени предмети одземени се две откупни белешки за откуп на злато од златара.

Во разговор со полициски служебници пријавените ги посочиле гробовите од каде го одземале златото.