Столтенберг: НАТО не бара конфронтација со Русија, но ја смета за закана за безбедноста на членките

НАТО не бара конфронтација со Русија, но ја смета за закана за безбедноста на земјите членки, изјави денеска генералниот секретар на Алијансата, Јенс Столтенберг, во интервју за германскиот весник „Билд ам зонтаг“, пренесе ТАСС.

„Самитот на НАТО во Варшава ќе се одржи во момент што има решаваачко значење за нашата безбедност“, посочува Столтенберг.

„Пред нас стојат непредвидливи закани и сложени предизвици, вклучувајќи ја и Русија, која е подготвена да употреби сила за да ги промени границите“, додаде генералниот секретар на НАТО.

Истовремено, тој забележува дека „студената војна е останата во минатото и таму треба да си остане“.