Стјуардеса спасила девојче од трговци со луѓе среде лет
Шејла за време на летот од Сиетл до Сан Франциско го видела девојчето со разбушавена коса и исплашен израз на лицето, како седи до добро облечен човек. Веднаш забележала дека нешто не е во ред.
"Девојчето има околу 14 години, и кога ја видов знаев дека нешто не е во ред. Наречете го претчувство, било како, но некои глас ми велеше дека нешто не е во ред. Нешто тука не се поклопуваше: тој беше многу добро облечен и среден, а таа во скината облека", рекла Шејла за 10 News.
Кога се обидела да поразговара со нив, мажот станал непријатен, додека девојчето цело време молчело. Тогаш стјуардесата дошла до идејата на девојчето да му остави тајна порака во тоалетот, на која таа одговорила со "Ми треба помош".
Шејла тоа им го кажала на пилотите, кои ја известиле полицијата во Сан Франциско. Трговецот со луѓе бил уапсен откако авионот слетал, а девојчето било ослободено.
Ваквото херојско дело на Шејла Фредерик дошло по обуката која американските авио-компании ја вовеле во својата програма уште во 2009-тата година, и тоа за да се спречи трговија со луѓе.
"Стјуардеса сум веќе 10 години, но ова ми е прва ваква ситуација. Кога го видов девојчето, веднаш се сетив на обуката. Сè беше тука, нејзиниот израз на лицето, избегнување на контакт со очи, однесувањето на киднаперот, сè се поклопуваше", изјавила Шејла, пренесува Independent.
Американските власти само минатата година на аеродромите уапсиле 2.000 трговци со луѓе и идентификувале повеќе од 400 жртви.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ