Стартува ракометниот шампионат на Македонија

Со два натпревари кои ќе се играат вечерва ќе започне новата сезона до домашното ракометно првенство, односно машката Супер лига.

Во првиот дел од првенството ќе ги нема двете најдобри екипи, шампионот Вардар и вицепрвакот Металург кои ќе се приклучат во вториот дел од сезоната.

Првото коло ќе донесе и ново битолско дерби во кое повеќекратниот првак Пелистер ќе игра против екипата на Еурофарм Работник тим кој со вложувањата и направениот играчки колектив се истакнува како еден од тимовите кои претендираат за висок пласман.

Двојките за 1.коло се:

Петок

19:00 Пролет 62 - Металург 2 20:00 Пелистер - Еурофарм Работник

Сабота

19:00 Прилеп 2010 - Вардар Ј. 19:00 Радовиш - ГРК Борец

Недела

12:00 Работнички – Охрид.