ССНМ предупредува на внимателност во јавните настапи на политичарите
Самостојниот синдикат на новинари и медиумски работници по којзнае кој пат предупредува на внимателност во јавните настапи на политичарите, особено кога коментирајќи состојби во општеството влегуваат во сегментот на уредувачката политика на медиумите.
ССНМ смета дека е недозволиво политичари од највисок ранг да етикетираат медиуми и да оценуваат новинарски производи само затоа што не им се допаѓа содржината.
Претседателот на СДСМ, Димитар Ковачевски во неговиот јавен говор пред присутните на партиска трибина директно нападна една национална телевизија поради тоа што во својата информативна програма пренела одредено расположение на граѓани, односно искажано незадоволство на студентите од висината на студентскиот оброк.
Потсетуваме дека со замолчувањето на медиумите, се замолчува гласот на граѓаните, а ваквите вербални таргетирања од политичари чијшто збор треба да има тежина може да предизвика и ограничување на слободата на медиумите.
Политичарите мора да имаат поголемо чувство за последиците од нивните јавно искажани зборови кои допираат до одреден број на нивни следбеници и со тоа создаваат атмосфера за негативни чувства кон новинарите и медиумите, кои што според искуството речиси секогаш резултирале со вербални, па дури и со физички напад врз медиумските професионалци.
Самостоен синдикат на новинари и медиумски работници - ССНМ
Ново на Сител
-
Одново пуштен во употреба мостот пред Солун на автопатот од Атина
-
„Вие сте херои“ и аплауз за медицинските работници од учесниците на протестот
-
Почна маршот за настраданите во Кочани
-
Забрана за вршење на било какви операции со дронови на територијата на град Скопје
-
Дисциплинска постапка за полициското лице чија службена легитимација беше злоупотребена од неговиот син, кривична пријава за синот
-
Здравствен работник обвинет за убиство на девет пациенти во Германија
-
Администрацијата на Трамп ја оспори наредбата на судијата на Врховниот суд за прераспределба на федералните вработени
-
Постојат докази дека Боре Видевски бил на работа кога се случиле убиствата на Панче и Вања, тврди неговиот бранител Бојан Манев