Српската влада ја ограничи цената на шеќерот и извозот на пелети
Владата на Република Србија на денешната седница ја усвои изменетата Уредба за ограничување на цената на основните прехранбени производи, со која се ограничува малопродажната цена на кристалниот шеќер за сите пакувања. Лимитот на цената на кристалниот шеќер во пакување од еден килограм останува на 89,99 динари (0,76 евра), јави дописникот на МИА од Белград.
-Уредбата е донесена со цел да се заштити пазарот, а поради наглиот скок на цената на кристалниот шеќер во поголеми пакувања, имајќи предвид дека е ограничена само цената на пакувањето од еден килограм. Поради големата разлика во цената, зголемена е побарувачката за пакувања од еден килограм и често ја нема во малопродажните места.
Со уредбата се предвидува трговците на големо да мора да дистрибуираат кристален шеќер до трговците во рок од 15 дена, се наведува во соопштенеито од владата.
Владата на Србија донесе одлука и за привремена забрана за извоз на дрвни сортименти од суштинско значење за Република Србија.
Поради зголемениот извоз во претходните години и зголемената побарувачка за овој вид гориво на светскиот пазар, недостигот од овие асортимани најмногу ги погоди производителите на пелети и огревно дрво. Привремената забрана за извоз е ограничена на 60 дена.
Членовите на Владата донесоа одлука со која до 30 јуни годинава го продолжуваат привременото намалување на акцизите за оловниот бензин, безоловен бензин и гасните масла., се наведува во соопштението.
Ново на Сител
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик