Средба Заев-Пленковиќ: Успехот на Македонија е израз на реформите
Премиерот Зоран Заев на маргините на состанокот на лидерите на НАТО по повод 70-годишнината од постоењето на Алијансата оствари средба и со премиерот на Хрватска Андреј Пленковиќ.
На средбата двајцата премиери се согласија дека успехот на Македонија во процесот за пристапување кон полноправно членство во НАТО е израз на спроведувањето на реформите и на успешното решавање на сите билатерални прашања, а членството во Алијансата доаѓа како потврда на исправноста на овие политики, соопшти владината прес-служба.
Премиер Пленковиќ на средбата ја потврди силната поддршка од Хрватска за Македонија и дека двете земји сега имаат уште една заедничка точка која ги поврзува и ги охрабрува за продлабочување на пријателските односи со сојузништвото во НАТО.
На средбата заеднички е констатирано дека позитивниот момент е одлична мотивација за исправање на грешката на ЕУ кога на последниот самит на Европскиот Совет не беше одобрено стартувањето на преговори со Македонија и дека во претстојниот период, кога Хрватска ќе го преземе претседавањето со ЕУ, треба да се создадат сите неопходности Македонија да го започне и овој процес.
Тоа, беше речено на средбата, е силен мотив за продолжување на реформите во земјата, а комплетирањето на евро-атлантските аспирации на Македонија е од посебно значење и за одржливиот мир и стабилност на регионот, се додава во соопштението.
Ново на Сител
-
Се гласа во сите избирачки места во Тетово, на две места со употреба на УВ-ламба и отпечаток од прст
-
Во Прилеп до 9 часот гласале 6,69 за претседателските, а 6,52 за парламентарните
-
Кавадарци со 6.22 отсто излезност до девет часот, Росоман со 5.4 проценти
-
Во Демир Капија 10,42 отсто излезност до девет часот
-
Во Велес до 9 часот гласале 6,36 проценти за претседател и 6,29 проценти за пратеници
-
Променливо облачно, попладне дожд, грмежи и град
-
Излезноста до 9 часот за претседателски избори е 4,17, за парламентарни 4,45 %
-
Агитирање, поткуп и мито: Полицијата со полни раце работа за изборниот молк