Средба на Ташевска-Ременски со претставници на вработените во „МЗТ Леарница АД“

Министерката за труд и социјална политика Фросина Ташевска-Ременски денеска се сретна со синдикалните претставници на вработените во „МЗТ Леарница АД“ на која беа изнесени проблемите со коишто подолго време се соочуваат работниците во однос на исполнување на нивните права од работен однос и безбедноста и здравјето при работа.

На состанокот, како што соопштија од Министерството за труд и социјална политика, присуствувал претставник од Државниот инспекторат за труд и Прекршочната комисија при Министерството за труд и социјална политика. Биле донесени заклучоци кон кои, како што се посочува во соопштението, ќе се пристапи во периодот што следи со цел намалување на штетните последици од кршењето на обврските на работодавачот, согласно  со Законот за работните односи.