Средба на министерот Спасовски со германскиот амбасадор Герберих
Министерот за внатрешни работи Оливер Спасовски денеска одржа работна средба со новоименуваниот амбасадор на Сојузна Република Германија во Македонија, Томас Герберих.
Спасовски, како што соопшти МВР, изразил надеж дека ќе продолжи успешната соработка меѓу двете држави, а Република Македонија наскоро ќе направи прогрес во процесот за интеграција во Европската унија и НАТО.
- Министерот Спасовски ја потенцира решеноста за спроведување на реформи во македонската полиција, за таа да се департизира и декриминализира односно да биде вистински сервис на граѓаните и го запозна амбасадорот Гербрих за преземените мерки во првите сто дена од мандатот. Спасовски ја потенцира и добрата соработка со германската полиција, пред се во борбата со тероризмот и насилниот радикализам, се вели во соопштението од МВР.
Амбасадорот Гербрих, како што се додава во соопштението, му честитал на министерот Спасовски за сработеното во овој релативно краток временски период и му посакал успех во натамошното спроведување на реформите.
Тој потенцирал дека Сојузна Република Германија е пријателска земја и партнер кој и во иднина ќе и дава поддршка на Република Македонија, а понуди и конкретна помош за Министерството за внатрешни работи.
Ново на Сител
-
Пораст на дневните, но се уште минусни утрински температури
-
Тројца починати во Кочани на 16-годишна возраст, најголем број од починатите на возраст на 24 и 26 години
-
Ана од ДНК: Си замина дел од моето второ семејство, заедно со нив и душава моја
-
Искусни токсиколози ќе прават испитувања пред да бидат пуштeни на домашно лекување повредените во Кочани
-
Поради минирање од 12 до 15 часот во прекин сообраќајот на патот Гари-Извор
-
Студенти од сите факултети во Крагуевац даруваат крв за повредените во пожарот во Кочани
-
Голем број граѓани во Софија оддадоа почит за жртвите по трагедијата во Кочани
-
Возачот на Итна помош што почина по трагедијата во Кочани ќе биде постхумно одликуван