Србија влезе во црвената корона-зона, има 30 заболени на 100.000 жители
Според податоците на Европскиот центар за превенција и контрола на болести (ЕЦДЦ), во последните 14 дена во Србија има 30 заболени лица на 100.000 жители, што значи дека е официјално влезена во црвената корона-зона.
Според важечките параметри, сите земји со помалку од 15 пациенти на 100 000 граѓани се во зелената зона, жолтата е од 15 до 30 заразени на 100 000, црвената од 30 до 50 и сè што е над тоа припаѓа на виолетовата зона.
Имајќи предвид дека во наредните денови се очекува натамошен раст на бројот на заразени, според членовите на Кризниот штаб за борба против Ковид-19, не е исклучено Србија во одреден момент да стигне до виолетовата зона, пишува белградскиот весник „Блиц“.
За да има над 50 заразени лица на 100.000 жители, потребно е дневниот број на новоинфицирани лица да биде поголем од 350.
Податоците на ЕЦДЦ за бројот на заразени на 100.000 жители најчесто се користат за утврдување на епидемиолошката состојба во една земја, односно дали се препорачува патување во неа, односно дали на државјани на одредена земја им е дозволено да влегуваат во земјите на Европската Унија.
Ново на Сител
-
Несими останува тетовски муфтија
-
Врховната Рада на Украина усвои закон за воена служба по договор за странци
-
ЛШ: Интер без Димарко и Арнаутовиќ против Манчестер Сити
-
Хезболах го обвинува Израел за експлозиите во Либан, расте бројот на загинати
-
Функционерските таблички во различна боја
-
Осум загинати, 2.750 повредени по експлозиите на пејџери низ Либан
-
Османи: Барањата на Вучиќ не треба да се сфатат сериозно, тој не сака Србите да се вратат во косовските институции
-
Петковиќ: Бислими одби трилатерална средба во Брисел