Србија го презема претседавањето со ЦЕФТА
Србија од денеска го презема едногодишното претседавање со Централноевропскиот договор за слободна трговија (ЦЕФТА).
Приоритетите на претседавањето на Србија со ЦЕФТА договорот во текот на 2024 година ќе бидат, меѓу другото, консолидација и зајакнување на имплементацијата на договорот, олеснување на трговијата со стоки и услуги меѓу ЦЕФТА страните, како и дигитализација.
Некои од мерките кое ќе бидат во фокусот вклучуваат пилотирање на заеднички царински акции, размена на податоци, работа во насока на взаемно признавање на програмата на овластени деловни субјекти на ЦЕФТА страните, електронска трговија, олеснување на трговијата со овошје и зеленчук.
ЦЕФТА е трговски договор меѓу Србија, Албанија, Босна и Херцеговина, Северна Македонија, Молдавија, Црна Гора и Привремената административна мисија на Обединетите нации на Косово во согласност со резолуцијата 1244 на Советот за безбедност на ОН, пренесе Бета.
Поранешни членки се Полска, Чешка, Словачка, Словенија, Унгарија и Хрватска, кои станаа членки на Европската унија.
Ново на Сител
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста