Србија го одбележува споменот на страдањата и прогонот на Србите во „Бура“

Во Србија денеска е Ден на жалост по повод одбележувањето на споменот од страдањата и прогонот на Србите во хрватската акција „Бура“.

Точно на пладне ќе се огласат камбаните на сите цркви во земјата и сирени со сигнал за прекин на опасност, со што ќе биде означено едноминутно молчење за жртвите во војните од 1991 до 1995 година.

Српското Министерство за култура и информирање побара од медиумите да се придржуваат кон обврските за одбележување Ден на жалост, кои се јасно дефинирани со закон, и своите програмски шеми детално да ги прилагодат според настанот.

Во знак на сеќавање на страдањата и прогонот на Србите во акцијата „Бура“, 5 август е прогласен за Ден на жалост на територијата на Србија и Република Српска.